"យំ វេ សេវតិ តាទិសោ - សេពគប់មនុស្សបែបណានឹងក្លាយជាមនុស្សបែបនោះ"
Yam ve sevati tãdiso.
យំ វេ សេវតិ តាទិសោ.
ยํ เว เสวติ ตาทิโส.
A person will be like whom he associates with.
សេពគប់មនុស្សបែបណានឹងក្លាយជាមនុស្សបែបនោះ.
คบคนเช่นใด ย่อมเป็นคนเช่นนั้น
ប្រសិនបើយើងសេពគប់ជនពាលតែម្នាក់គេនឹងបបួល ជនពាលច្រើននាក់ទៀតមកឱ្យយើងស្គាល់រាប់អានគ្នា ប៉ុន្តែបើយើងសេពគប់បណ្ឌិតតែម្នាក់គេនឹងបបួលបណ្ឌិតជាច្រើននាក់ទៀតឱ្យមកសេពគប់រាប់អាននិងយើងដូចគ្នា ដូច្នេះ យើងចង់ក្លាយជាមនុស្សបែបណា វាស្ថិតនៅលើការសម្រេចចិត្តរបស់យើងទេ ។
ម្យ៉ាងវិញទៀតបើចង់ដឹងថាខ្លួនយើងជាមនុស្សបែបណា ឱ្យក្រឡេកមើលមនុស្សជុំវិញខ្លួនយើង តើគេជាមនុស្សបែបណា បើយើងជាមនុស្សល្អច្បាស់ណាស់ថាអ្នកក្បែរ យើងគឺសុទ្ធតែជាមនុស្សល្អដូចគ្នា ព្រោះមេដែកវាតែងតែស្រូបដែកដទៃដែលមានប្រភេទដូចគ្នាមកក្បែរខ្លួន ។
បើយើងជាមនុស្សអាក្រក់ច្បាស់ណាស់អ្នកដែលយើងរាប់អានក៏ជាមនុស្សអាក្រក់ដែរ ព្រោះមានទស្សនៈដូចគ្នាទើបរាប់អានគ្នាបាន(នេះជាច្បាប់ធម្មជាតិ) មនុស្សដែលទម្លាក់ខ្លួនសេពគប់នឹងជនពាលទាំងដឹងច្បាស់ ឃើញច្បាស់ គ្រប់បែបយ៉ាងជាហេតុសង្កេតបានថា គេក៏ជាមនុស្សប្រភេទបែបជនពាលដូចគ្នា ព្រោះនេះជាសច្ចភាពដែលមិនអាចប្រកែកបាន ។
ព្រះពុទ្ធបានបង្រៀនច្បាស់ណាស់ថា "ការសេពគប់បណ្ឌិតជាមង្គលដ៏ឧត្តម" ព្រមទាំងត្រាស់បញ្ជាក់ បន្ថែមទៀតថា "ការមិនសេពគប់ជនពាលជាមង្គលដ៏ឧត្តមដូចគ្នា"
រាប់អានអ្នកខំរៀន ខ្លួនក៏នឹងក្លាយជាអ្នកខំរៀនដូចគ្នា រាប់អានអ្នកជំនួញ ខ្លួនក៏នឹងក្លាយជាអ្នកជំនួញដូចគ្នា រាប់អានអ្នកផឹកស្រាខ្លួនក៏នឹងក្លាយជាអ្នកផឹកដូចគ្នា ។
កាលណាបុគ្គលយល់ច្បាស់ដោយខ្លួនឯងនូវការពិតដ៏ប្រសើរ នឹងលែងជឿអ្វីផ្ដេសផ្ដាស ថែមទាំងស្គាល់តម្លៃនៃការសេពគប់បណ្ឌិត ព្រោះបណ្ឌិតប្រៀបបីដូចជាទឹកអប់ក្រអូប ជនពាលប្រៀបដូចជាក្លិនស្អុយ ដូច្នេះ គប្បីអានកាលាមសូត្រ និង មហាបទេស ៤ បន្ថែមទៀតផងដើម្បីឱ្យកើតបញ្ញា ។
អត្ថបទដោយ ៖ ណាវិជ្ញ
អត្ថបទផ្សេងៗ៖ ជួនកាល “រាជសីហ៍ឈរយ៉ាងសង្ហា” ក៏ធ្លាប់ជា “ឆ្កែទាល់ច្រក” ពីមុនមកដែរ , សេចក្តីប្រមាទជាផ្លូវនៃសេចក្តីស្លាប់ "មហាសង្រ្កាន្តឆ្នាំថ្មី វិថីជីវិតស្ថិតលើគន្លងធម៌" , ការធ្វើដំណើររបស់ដួងវិញ្ញាណក្រោយមរណកាល , ទិវាបុណ្យវិសាខបូជា , អត្ថន័យនិងសារសំខាន់នៃថ្ងៃបុណ្យវិសាខបូជាមានអ្វីខ្លះទៅ ? , សេចក្តីប្រមាទជាផ្លូវនៃសេចក្តីស្លាប់ "មហាសង្រ្កាន្តឆ្នាំថ្មី វិថីជីវិតស្ថិតលើគន្លងធម៌" , ករុណាយ ទិនំ ហោតិ មាឃបូជាធ សាសនេ : មាឃបូជាទិវានៃសេចក្ដីស្រឡាញ់ , ជីវិតត្រូវសិក្សា បញ្ញាត្រូវអប់រំ , គុណធម៌ទាំង១០ ជាទ្រព្យរបស់អ្នកដឹកនាំ , អប្បកញ្ចិទំ ជីវិតមាហុ ធីរា - ជាការពិតណាស់ ប្រាជ្ញទាំងឡាយបានពោលទុកថា ជីវិតនេះខ្លីណាស់ , តួនាទីរបស់ព្រះភិក្ខុសង្ឃមានអ្វីខ្លះទៅ? , អានិសង្សរបស់និច្ចសីល ឬហៅថាសីល ៥ មានអ្វីខ្លះទៅ? , លោកវជ្ជកថា , សំណាកស្លាកស្នាមព្រះពុទ្ធបដិមារបស់លាវដែលនៅសេសសល់បន្ទាប់ពីទីក្រុងវៀងច័ន្ទន៍ត្រូវបានដុតបំផ្លាញចោល , ជីវិតត្រូវសិក្សា បញ្ញាត្រូវអប់រំ , "ពលធម៌" មានន័យយ៉ាងម៉េចទៅ ? , ទោសនៃការសេពគ្រឿងស្រវឹងដែលកើតក្នុងជីវិតអ្នកប្រព្រឹត្ត , រើសយកអាជីពណា ត្រូវក្លាហានក្នុងអាជីពនោះ
0 comments: