តួនាទីរបស់ព្រះភិក្ខុសង្ឃមានអ្វីខ្លះទៅ?
១. បរិយត្តិ = ការសិក្សារៀនសូត្រ, គឺ សិក្សាគន្ថធុរៈនិងវិបស្សនាធុរៈ
២. បដិបត្តិ = ខប្រព្រឹត្ត, ការកាន់ចំពោះ, ការធ្វើតាមព្រះវិន័យតាមពុទ្ធបញ្ញត្តិ
៣. បដិវេធ = ការចាក់ធ្លុះរហូត, ការយល់ដឹងរហូត, ការដឹងច្បាស់លាស់, ការត្រាស់ដឹងនូវសច្ចៈធម៌ទាំងពួង (ផលឬវិបាក ដែលបានទទួលមកពីខទី១និងទី១ )
៤. ទេសនា = ការសម្តែង, ការវែកញែក, ការអធិប្បាយ, ការប្រៀនប្រដៅ.. (ដល់អ្នកដទៃ)
៥. អភិវឌ្ឍន៍ = គឺ ការជួយអភិវឌ្ឍន៍ ឬការជួយធ្វើឱ្យរីកចម្រើនដល់វត្តអារាមនិងស្រុកភូមិ ៦.ចូលជិតស្និទ្ធស្នាលជាមួយនឹងប្រជាជនគ្រប់ជាន់ថ្នាក់ ។
ហើយព្រះភិក្ខុសង្ឃគ្រប់អង្គ ក៏ត្រូវគោរពតាម និង បដិបត្តិតាម ឱវាទបាដិមោក្ខដែលព្រះសម្មាសម្ពុទ្ធទ្រង់បានសម្តែងថា៖
សព្វបាបស្ស អករណំ, កុសលស្សូបសម្បទា,
សចិត្តបរិយោទបនំ, ឯតំ ពុទ្ធាន សាសនំ។
ការមិនធ្វើបាបទាំងពួង ការញ៉ាំងកុសលអោយកើតឡើង ការធ្វើចិត្តរបស់ខ្លួនអោយផូរផង់ នេះជាពាក្យប្រដៅរបស់ព្រះពុទ្ធទាំងឡាយ ។
ខន្តី បរមំ តបោ តីតិក្ខា,
និព្វានំ បរមំ វទន្តិ ពុទ្ធា,
ន ហិ បព្វជិតោ បរូបឃាតី,
សមណោ ហោតិ បរំ វិហេឋយន្តោ ។
ខន្ដី គឺសេចក្ដីអត់ធន់ជាតបធម៌ដ៏ឧត្តម ព្រះពុទ្ធទាំងឡាយតែងពោលថា ព្រះនិព្វានជាធម្មជាតិដ៏ឧត្តម បុគ្គលដែលសម្លាប់សត្វដទៃ មិនឈ្មោះថាបព្វជិតទេ បុគ្គលដែលបៀតបៀនសត្វដទៃ ក៏មិនឈ្មោះថា សមណៈឡើយ ។
អនូបវាទោ អនូបឃាតោ, បាតិមោក្ខេ ច សំវរោ,
មត្តញ្ញុតា ច ភត្តស្មិំ, បន្តញ្ច សយនាសនំ,
អធិចិត្តេ ច អាយោគោ, ឯតំ ពុទ្ធាន សាសនំ ។
ការមិនតិះដៀល១ ការមិនបៀតបៀន១ ការសង្រួមក្នុងបាតិមោក្ខ១ ភាពជាអ្នកដឹងប្រមាណក្នុងភត្ត១ ការដេកនឹងអង្គុយក្នុងទីស្ងាត់១ ការព្យាយាមក្នុងអធិចិត្ត១ នេះជាពាក្យប្រដៅរបស់ព្រះពុទ្ធទាំងឡាយ ។
នកហាបណវស្សេន, តិត្តិ កាមេសុ វិជ្ជតិ,
អប្បស្សាទា ទុក្ខា កាមា, ឥតិ វិញ្ញាយ បណ្ឌិតោ ។
ការស្កប់ស្កល់ក្នុងកាមទាំងឡាយ រមែងមិនមានព្រោះកហាបណៈ(ដែលធ្លាក់ចុះ)ដូចទឹកភ្លៀងទេ កាមទាំងឡាយមានសុខតិចមានទុក្ខច្រើន អ្នកប្រាជ្ញដឹងច្បាស់យ៉ាងនេះហើយ ។
អបិទិព្វេសុ កាមេសុ, រតិំ សោ នាធិគច្ឆតិ,
តណ្ហក្ខយរតោ ហោតិ, សម្មាសម្ពុទ្ធសាវកោ។
នរជនភិក្ខុជាបណ្ឌិតមានបញ្ញា រមែងមិនត្រេតអរក្នុងកាមទាំងឡាយ សូម្បីជាទិព្វឡើយ សាវ័ករបស់ព្រះសម្មាសម្ពុទ្ធរមែងជាអ្នកត្រេកអរក្នុងធម៌ជាគ្រឿងអស់តណ្ហា ៕
អត្ថបទផ្សេងៗ៖ ជួនកាល “រាជសីហ៍ឈរយ៉ាងសង្ហា” ក៏ធ្លាប់ជា “ឆ្កែទាល់ច្រក” ពីមុនមកដែរ , សេចក្តីប្រមាទជាផ្លូវនៃសេចក្តីស្លាប់ "មហាសង្រ្កាន្តឆ្នាំថ្មី វិថីជីវិតស្ថិតលើគន្លងធម៌" , ការធ្វើដំណើររបស់ដួងវិញ្ញាណក្រោយមរណកាល , ទិវាបុណ្យវិសាខបូជា , អត្ថន័យនិងសារសំខាន់នៃថ្ងៃបុណ្យវិសាខបូជាមានអ្វីខ្លះទៅ ? , សេចក្តីប្រមាទជាផ្លូវនៃសេចក្តីស្លាប់ "មហាសង្រ្កាន្តឆ្នាំថ្មី វិថីជីវិតស្ថិតលើគន្លងធម៌" , ករុណាយ ទិនំ ហោតិ មាឃបូជាធ សាសនេ : មាឃបូជាទិវានៃសេចក្ដីស្រឡាញ់ , ជីវិតត្រូវសិក្សា បញ្ញាត្រូវអប់រំ , គុណធម៌ទាំង១០ ជាទ្រព្យរបស់អ្នកដឹកនាំ , អប្បកញ្ចិទំ ជីវិតមាហុ ធីរា - ជាការពិតណាស់ ប្រាជ្ញទាំងឡាយបានពោលទុកថា ជីវិតនេះខ្លីណាស់ , តួនាទីរបស់ព្រះភិក្ខុសង្ឃមានអ្វីខ្លះទៅ? , អានិសង្សរបស់និច្ចសីល ឬហៅថាសីល ៥ មានអ្វីខ្លះទៅ? , លោកវជ្ជកថា , សំណាកស្លាកស្នាមព្រះពុទ្ធបដិមារបស់លាវដែលនៅសេសសល់បន្ទាប់ពីទីក្រុងវៀងច័ន្ទន៍ត្រូវបានដុតបំផ្លាញចោល , ជីវិតត្រូវសិក្សា បញ្ញាត្រូវអប់រំ , "ពលធម៌" មានន័យយ៉ាងម៉េចទៅ ? , ទោសនៃការសេពគ្រឿងស្រវឹងដែលកើតក្នុងជីវិតអ្នកប្រព្រឹត្ត , រើសយកអាជីពណា ត្រូវក្លាហានក្នុងអាជីពនោះ
0 comments: